हिँजोदेखि अहिलेसम्म यसकारण आयो समस्या फेसबुकमा ?

काठमाडौं । विश्वकै लोकप्रिय शोसियल साईट फेसबुकका सेवाहरूमा विश्वभर अवरोधहरु देखा परेको छ । ती खराबी फेसबुकले हालसम्म बेहोरेको मध्येकै सबभन्दा खराब छन् । नेपाली समय अनुसार बुधवार राति १० बजे आसपासबाट त्यस्तो समस्या देखिन थालेको बताइएको छ । समस्या अझै समाधान भएको छैन । फेसबुक बाहेक म्यासेन्जर र इन्स्टाग्राममा समेत अवरोधहरु देखिएका थिए जसको कारण भने अहिलेसम्म केही सार्वजनिक गरिएको छैन ।

फेसबुक खुले पनि त्यसमा सामग्रीहरु प्रकाशित हुन सकेका छैनन् । म्यासेन्जरको मोबाइल एपले कतै कतै काम गरेको छ तर उसको डेस्कटप संस्करणमा भने समस्या देखिएको छ।फेसबुकका विभिन्न एपहरूमा कतिपय मानिसले पहुँच पाउन नसकिरहेको बारे हामीलाई जानकारी छ । हामी ती समस्या छिटै समाधान गर्न प्रयास गरिरहेका छौँ, फेसबुकले एक विज्ञप्तिमार्फत जनाएको छ। अन्य सामाजिक सञ्जालहरूमा फैलिएको हल्ला गलत भएको भन्दै डिडिओएस नामक एक किसिमको साइबर हमलाका कारण फेसबुकका सेवामा अवरोध नआएको उसले जनाएको छ। अवरोध निगरानी गर्नेहरूका अनुसार फेसबुकमा समस्या विश्वभर नै देखिएको बीबीसीले जनाएको छ ।

यो भन्दा पहिले फेसबुकले सन् २००८ मा यस्तो सेवा अवरोध बेहोरेको थियो। त्यतिखेर विश्वभर उसका प्रयोगकर्ता केवल १५ करोड थिए। अहिले त्यो संख्या बढेर मासिक दुई अर्ब तीस करोड प्रयोगकर्ता पुगिसक्यो । फेसबुकमा आएको अबरोधले विश्वका प्रयोगकर्ता चकित भएको अन्र्तराष्ट्रिय एजेन्सीहरुले लेखिरहेका छन् ।

© Copyright by The News Nepal
Designed By Appharu